احترت اعبر عن شعوري من غلاك
واحتارت ابياتٍ في حقك قليله
كيف الحكي يقدر يوصل مستواك
ياللي غلاك الكون عيا يشيله
سبحان من ابدع وصوفك وسواك
من عزني في قلب مابه مثيله
لك حق تتغلى واتباهى بمحياك
يللي معك تقصر دروبٍ طويله
خذت بيدي واسكنتني وسط دنياك
علمتني اصبر وروحي عليله
من عاذلينٍ ودهم لي بفرقاك
بس ما بايديهم يالغلا اي حيله
تبقى حبيبي وروح قلبي وخليله
واكون لك قلبٍ يدور على رضاك
في صبح وقته وفي نهاره وليله
اسم الاغنية : احترت اعبر
كاتب الاغنية : الأميرة
ملحن الاغنية : الحساس
غناء : حسين الجسمي
العربية
