احس جني العراق
و هيجي عندي احساس
عراقي ومن احس
مايغلط احساسي
وشراييني شوارع
و العقل بغداد
واعضائي ضواحي
والهوا انفاسي
اذن كل همر تمشي
فوك ارض بغداد
جن تاير همرهم
يسحك براسي
جرحك طول ومحد
يالبجروح اخوتك
تركض تواسي
تاليه صفت
لوحدك مذبوح
مثل حسين يصرخ
وين عباس
واني ابنك واحس
مثلك صرت ياعراق
كل اني جرح من
جدمي ل راسي
مثلك ياوطن
امنت بالحراس
وبعز نومتي
وذبحوا نحر راسي
اني من الجوامع
حامل القران
واجراس الكنائس
كلهن اجراسي
احس جني العراق
و هيجي عندي احساس
عراقي ومن احس
مايغلط احساسي
اسم الاغنية : احساس العراقي
كاتب الاغنية : غير معروف
ملحن الاغنية : غير معروف
غناء : وسام داود
العربية
