كلمات اغنية احساس فرقا مشعل الشهراني.
إنت وصلك فيه لذّة غير عن وصل الخلايق
جيّتك طبّ المعنّى والوجع ربّع بروحي
ويعلم الله من فقدتك خاطري بالحيل ضايق
ماكفت ذكراك عنك ولا تريحني جروحي
ومن نشدني كيف حالك قلت له طيب ورايق
والعهد فالبال رايق قبل غيباتك تلوحي
والبلا تعرف طبوعي صدّتك لوهي دقايق
ماستريح الا ليا أقبل راعي الوجه السموحي
وين ليلٍ كان بك يزهى ولا للوصل عايق
وكلّ حرفٍ لانطقته صار به فكري سبوحي
مير حظ الحب شان ولا صُدف ولا طرايق
تجمع القلب المشقّى براعي الطرف الذبوحي
ومن بعد فرقاك ماني للشعر بالحيل طايق
الشعور اللي ماصيغه بحضرتك ماهو طموحي
والهجوس اللي سرى في وصف غيرك غير لايق
ومابقى الا إحساس فرقا فيك مشعل بي حرايق
ذكرياتك هي حطبها يامن بشوفك شحوحي
والعنا لن كان هبت من شمال يجيك سايق
النسيم بعطر أعرفه من زهر خدّه يفوحي
ويامجافي لو تبي من صاحبك كل الحقايق
ماهوى يشبه هواك وما مثل صدّك فضوحي
قبل بُعدك لوّ روحي في مصايبها غرايق
مايبيح السد منها مايواسيني النصوحي
خاطري للفرح والله والسعد ماهو بذايق
وينه ووين السعادة دامه اعجبك النزوحي
اسم الاغنية : احساس فرقا
كاتب الاغنية : غير معروف
ملحن الاغنية : غير معروف
غناء : مشعل الشهراني
العربية
