اخاف الليل يخلص وانت موجود
لزمت الليل خاف يروح عني
مو عيني البجت بجيت الخدود
وانا بيا حال حتى تروح مني
اسد بالباب وادري الباب مسدود
خفت من الكمر لا يجي ويحسدني
خل بعيني هايه عيونك السود
وبعد كرب عليه وحيل موتني
خل بعيني هايه عيونك السود
وبعد كرب عليه وحيل احضني
بكل نظره علي جنت ارمي بارود
وبارودك رمى كلبي وغني
احضن جفوفك حبيبي حيل من كثر اشتياقي
شلون ابرد ناري كلي وحبك بنص كلبي باري
من اشوفك يمي انت مدري بيه اني شيصير
ما يحرم كلبي واحد لو ما حبك انت راقي
احضن جفوفك حبيبي حيل من كثر اشتياقي
تدري من تكعد كبالي اني احس كلي اذوب
انت ما تعرف بكلبي الله يعلم بالكلوب
احجي وي نفسي واكلهة اني احلم لو صحيح
بأعلى صوتي اتمنى اصرخ والله احبك حيل اصيح
شكد شفت راقين بالحب والله مثلك ماكو راقي
احضن جفوفك حبيبي حيل من كثر اشتياقي
اليوم ما دام انت يمي يعني هذا اليوم عيد
شموع نشعل ليلة حمره ونبتدي نحب من جديد
يعني هذا اليوم يومي يعني اغازل وحدي بيك
وانت شتحب بيه سوي صافنه عيوني عليك
حتى لمساتك حبيبي لمسة العاشق الراقي
احضن جفوفك حبيبي حيل من كثر اشتياقي
اسم الاغنية : اخاف الليل
كاتب الاغنية : غير معروف
ملحن الاغنية : غير معروف
غناء : حامد الغرباوي
العربية
