يالي هجرتوا مفكرتوش ليه ف العشره
قبل ما تمشوا خدوا معاكوا الذكره
ما انا لازم انسي كرهت الايام الحلوة
دا انا قلبي معبي من زمان
تايه ف مولد ملمومة الناس حواليا
درويش ي دنيا سارح مين حس بيا
حاولت انى افرح والهم ماسك فيا
وانتوا دمرتولى النفسية
كان لازم يحصل واتعاقب علي غبائي
ما انا الى استاهل حبيتكوا على حسابي
انا اسف جدا على اللي عملته انا ف حياتي
انا بهنيكو ان انتو كسرتوني
القلب اتخرشم من كتر الجرح الى فيه
والعقل معتم مالتفكير الى مليه
بقا صعب اتقدم من اللي بشوفه انا بعيني
صعبان علي ماكنت انا ف حالى
بديلك وردة وياريت تخديها منى
فقير ولكن عمرك ماتلاقي زى
حبك ف قلبي سقف وبيدفي جسمي
دا انتى الى انا عايش علشانها
مقدرش اجبلك قصر او حتي فيلا
مقدرش اوعد انى هجيبلك عربية
لكن معايا هتعيشي ف دنيا حلوة
وافقي وقولي انتى موافقة بيا
اديتلك سري وياريتك حافظت عليه
دا انا قولت صاحبي الى ف ضهري انا مخليه
والضربة جاتلى من اللي كنت مأمنه
انا كنت وروكو يوم على الحلو ويوم علي المرة
جدع معاكوا بجيلكوا لو ف الغربة
كان الى بيغلط بديله يجي ١٠٠ فرصة
لكن خلاص دا انا قلبي بينزف
اسكت ي قلبي دا انت الى جايبلي مصايب
بتعاشر ناس بيحطوك ف المشاكل
وياريتك عارف بعد الوقعة دى بتعافر
رادم على نفسي وطالع عيني
ولاول مرة احس بضعفي جوايا
ولاول مرة اشوف نفسي ف دوامة
مش عارف اطلع وعينكم باصة عليا
تعبت ى خلق ماترحموني
اسم الاغنية : اسكت يا قلبي
كاتب الاغنية : عبدالله ذاهد
ملحن الاغنية : عبدالله ذاهد
غناء : اسلام نبوي
العربية
