كلمات اغنية اسمعوني وردة الجزائرية.

يا أهل الهوى قبل ما تظلموني اسمعوني
اسمعوني و اسمعوني و افهموني
عشقنا ياما عشقنا
وشربنا سنين م الهوى شربنا سوا
ودبنا ياما دبنا
واتعذبت قلوبنا

وف ليلة قابلوه , كلموه, سألوه
عن اسمي سألوه , عن حبي سألوه
قال ما اعرفوش , ما قابلتوش , ما شفتوش , ما عشقتوش
قال يعني مش فاكرنا , ولا فاكر حب بينا
وايامنا سوا
قال لكو ايه .. ما تستغربوش
هو في حد النهاردة بيفتكر

روح قول له يا قمر
فاكرنا ولا ناسي
ناسينا ولا فاكر
ليالي السهر
ماتقول له يا قمر
ولا انت يا قمر
اتعلمت القساوة وبقيت زي حبيبي
بتنسى يا قمر حبايبك يا قمر
غريبة و مش غريبة .. دنيا و فيها العجايب
بتريح اللي ظلموا و بتتعب الحبايب
مين.. مين
يخلص مين كده يا ناس
مين .. مين
يضيع منه احلى سنين
وتيجي ايام و يقول للناس
انا ما اعرفش هو مين
وآه .. لو الأيام بتتكلم كانت قالت عملنا ايه
وكان الحب اد ايه و راح ازاي و كنا ازاي و دلوقتي بقينا ايه
وشوفوا بيقول علينا ايه

ده ف ليلة قابلوه , كلموه, سألوه
عن اسمي سألوه , عن حبي سألوه
قال ما اعرفوش , ما قابلتوش , ما شفتوش , ما عشقتوش
قال يعني مش فاكرنا , ولا فاكر حب بينا
وايامنا سوا
قال لكو ايه .. ما تستغربوش
هو في حد النهاردة بيفتكر

اسمعوني
باقول لكو ايه .. اسمعوني
ما تيجوا بينا ننسى اللي كان
ننسى سوا غدر الزمان
اسمعوني
ايه رأيكم؟
خسارة و الف خسارة
لكن اعمل ايه

ده ف ليلة قابلوه , كلموه, سألوه
عن اسمي سألوه , عن حبي سألوه
قال ما اعرفوش , ما قابلتوش , ما شفتوش , ما عشقتوش
قال يعني مش فاكرنا , ولا فاكر حب بينا
وايامنا سوا
قال لكو ايه .. ما تستغربوش
هو في حد النهاردة بيفتكر


اسم الاغنية : اسمعوني

كاتب الاغنية : سيد موسي

ملحن الاغنية : بليغ حمدي

غناء : وردة الجزائرية