اكون فرحان يوم تكون جنبي ..
أعاين ليك .. وانت تبسم لي ..
يا حبيبي تبسم لي ..
تحلق روحي في نشوة .. وتروق الدنيا في عيني ..
رموش عينيك توديني علي درب الامل فرحان ..
و,اسمع يا جميل منك ....
كلام زي رقة الألحان ..
وبي ايديك تسقيني من نبع السعادة حنان ..
وأحيا معاك في دنيا .. تصير بهجة وسرور وامان ..
غناي من وحي الهامك معانيهو ومضامينو ..
ومن سحر ابتساماتك وفي عينيك تلوينو ..
شعور مسكوبة في موال .. حروف اسمك عناوينو ..
وفي دنيا الغرام حبك .. أنا الحافظ قوانينو ..
هواك يتوسد الاحساس .. وحلق في الفؤاد ركا ..
ومشغول بيك مع ذاتي ..
معاك لي أخر السكة
اسم الاغنية : اكون فرحان
كاتب الاغنية : غير معروف
ملحن الاغنية : غير معروف
غناء : زيدان ابراهيم
العربية
