على الأطلال لاتبكي كفى تبكي على الاطلال
تناسى الهم يا قلبي كفانا غربلة وهموم
تعال احسب معي الايام وكم ليلة بلا اي وصال
خلاص الماضي ما يرجع ترى حنا عيال اليوم
ياقلبي هذي الدنيا ودايم تنقلب الأحوال
ترى ماني الوحيد اللي بصدري ضيقة ومكتوم
كفـى تبكي على الأطلال
لا ماهو ذنبي ولا ذنبك نعاف الحلم والآمال
مدام ان السهر فارض علينا مانذوق النوم
ياقلبي تعبت عيوني وهي تنظر يمين شمال
ادور للامل لكن لقيت ان الامل معدوم
أعيش بفقري وراضي وهذا الوقت وقت المال
وحتى لو لقيت المال وجيت أشري عجزت أسوم
تعال نعيش دنيانا ونتعود على ذا الحال
ويمكن شمسنا تشرق وتصبح في العلوم علوم
نحن نستخدم ملفات تعريف الارتباط (كوكيز) لفهم كيفية استخدامك لموقعنا ولتحسين تجربتك. من خلال الاستمرار في استخدام موقعنا ، فإنك توافق على استخدامنا لملفات تعريف الارتباط.
العربية
