كلمات اغنية الاحتمال مصطفى سيد احمد.

اسم الاغنية : الاحتمال

كاتب الاغنية : غير معروف

ملحن الاغنية : غير معروف

غناء : مصطفى سيد احمد


علمينى الإحتمال
وكيف أجاوب عن هواك
لما يغلبنى السؤال
لما يتأرجح منانا بين مظنة وإحتمال
ما بحسِّك دونك .. إنتى
ما الحقايق .. ما الظلال
والحرِف بِعرِفْ مداهو
حتى لو جفّ الخيال

علمينى الإحتمال
ونحن كيف نقدر نقاوم
فى بلد ملّ الحِوار
صرخة بتموت فى المزارع
وزيف مشتّت فى الشوارع
بين مداينّا الكُتار
ونحن كيف نقدر نقاوم
هجمة الزمن التتار
وكيف نحصِّن ومضة الأمل
البيشرِق كل مرة
وفى إنتظارى
إنتى والشوق فى المجرّة
برق خفّق من خدودك
ورعد يفتح لى دروبك
وغيث يقفّل فى شجوبك

علمينى الأحتمال
ونحن كيف نقدر نجمّع لى ملامح الليلة
من عُمق المدار
علمينى الإحتمال
ونحن كيف نقدر نقاوم
فى بلد ملّيت صِفوفا
ولاّ أمشى على المزالِق
فى بلد نكرت دِفوفا
ولاّ أشيلِك وإحتِمالِك
إمّا أدّيك إحتمالى
يا أشيل منِّك ظروفك
ولاّ أرجّع ليك حروفِك
غنية تمرُق من دفوفك
برجا هجعة ليل طيوفا

علمينى الإحتمال
ولاّ نتعاهد نواصِل ..
فى الظروف القاسية .. نمشى
وفرحة الأطفال نشوفا
ومضة تمحوها الظلال
ونظرة تغنيك عن سؤال
فى خيالك .. وغيم ظلالك
لمّا يتجاوب سؤالك
ترفع الأحزان ظروفا
لمّا نتقابل نحقّق
فى وجودى .. وفى وجودِك
أحلى شوفة