ياللي انت ماشي ومتخدر .. لازم تفكر وتقدر
نصيحه مني لوجه الله .. بلاش تقاوح وتصدر
انا عمرو خالد وصاني .. وقال كلام انا بكاني
وقالي غني لأهل الكيف .. يمكن يتوبو من تاني
بعت وقالي يا شعبان .. انا عامل حمله على الادمان
عايزين نساعد بعضينا .. ونوعي شبابنا في كل مكان
اسمع مني وركزلي .. وكل واحد يجهزلي
ع الترمدول انا اتكلم .. ياريت محدش يغمزلي
شباب وسكينه سرقاها .. عايشين في اوهام ومتاهه
والبراشيم واكله دماغها .. حابينها وبيجرو وراها
حاجات غريبه على بلادنا .. بتأذي وتضر اولادنا
تمون والـ اس ار .. خطر كبير بيهددنا
ولا اس ار ولا تروماندين .. ولا حتى كونتريمان خمسين
ده كله وهم وع الفاضي .. ده شغل ناس قاعدين فاضيين
انسان محطم نفسيا .. ويقول هضبط جنسيا
بكره يبيع التلفزيون .. ويبقى تعبان ماديا
شباب كتير تاهوا وضلوا .. بالريهبالون عاملين بالو
والتريمال ويا الهيبانول .. بيدمر اللي بيوصلو
عيال ورجليها شالتها .. لكن يا ناس زي خيبتها
يقوم يدور ع البرشام .. والسجن هيكون اخرتها
يا صيدلي الحتى امانه .. دي عيال عبيطه وخيبانه
لو حد جالك نفضله .. ده علاج ودوا ناس عيانه
بلا ترميكس والترادول .. ده كلام فاضي ومش معقول
خليك طبيعي بقى وجرب .. ومتسمعش لدول ولدول
والبيسه وحكاية البيسه .. ده خراب وفأر وتدبيسه
بكره العيال هتموت م الجوع .. صدق اللي قال عليها خبيثه
يا صيدلي الحته يا غالي .. اسمع ومتقولش انا مالي
من غير روشته متصرفهاش .. لو كانت حاجات م اللي في بالي
زعلان وزعلي اللي تاعبني .. من خوفي على ابنك وابني
ده كل يوم بسمع حكايات .. حاجات غريبه تشيبني
اسم الاغنية : الادمان
كاتب الاغنية : حسن عزو
ملحن الاغنية : سيد شعبان عبد الرحيم
غناء : شعبان عبد الرحيم
العربية
