البنيه حبيته والولاة حبها
قلبه داب وجه من الباب وقابل أهلها
وشافوا رجولته دي وجدعنته وافقوا على طول
لما اهله قالوا انه طالب يدها
لما سمعوا الناس اتلموا القريب والبعيد
مامته وخلاته عماته وعلوا الزغاريد
هي حلاله ومال هلاله ويطق الحسود
شد حيلك يا عريسنا واعمل جيل جديد
هي في الكوافير وعريسها على تيليفون
مش بيبطل رن كأنه ليلى والمجنون
اصحاب العريس بترقص ماسكين المنديل
كل واحد خطفه من ايد المأذون
صورها يا مصوراتي عريسها جنبها
ايدها على ياقة البدلة وايده في وسطها
لفوا الشوارع بالزفة العربيات طابور
ربي يتمم بقا على خير فرحه وفرحها
اسم الاغنية : البنيه
كاتب الاغنية : غير معروف
ملحن الاغنية : غير معروف
غناء : مي كساب
العربية
