البوصلة ضاعت، في المحيط
رسمت الطريق من اول وجديد
التشابه بين الفجر وغروب الشمس بالنسبالي كان شيئ غريب
حياة وموت، زائد سالب
بين الاتنين انتي في عالم تالت
عمر طويل، بس في ثانية خانك
لو رجعت بينا، زي ما كانت
بصيت لفوق عملت فحص
موّت جوّة نفسي كذا شخص
مافيش حد فينا مابيغلطش
انا وضميري في مسابقة رقص
انا بحاول افتكر كل الليالي اللي ساحت في بعض
بحر كبير، مش عامل صوت
نور القمر سايح على الموج
بنموت م الخوف، ونخاف م الموت
كلها شوية نطلع على فوق
دا اللي عندي، دا اللي عندي
ناس كتيرة مابقتش جنبي
هما المفروض كانوا يشيلوا عني
مبين لهم ان الدنية بمبي
عايزين يقروني، زي الكتاب
ف إديت لنفسي شوية التعليمات
وش بدون اي تعبيرات
مطبات، ملفات
الناس دي عاملة زي البلالين
حابس جوة نفسي مساجين
وسط الزحمة نسيتلك انا مين
حاسس اني لوحدي وسط الملايين
ملامحي اختفت مخي ابتدى تسيح
والبطاقة طارت مع الريح
مفيش مستقبل مفيش تاريخ
بس في دلوفتي، عايز اعيش
عايز اعيد، عايز اتحول
باقولها كتير، وبتتفوت
عايز احس ان في شخص اتكون
عايز العبها تاني من الاول
مصيبة لو فضلنا زي ما احنا
قضينا وقت طويل ليلاتي بنحرق
بدأت اتغير وانا في نص الرحلة
بنيت لنفسي مراية جديدة
شمس بعد ليلة طويلة
جِهزت وطلعت ع السفينة
بس الدنية دي غريبة
اصل البوصلة ضاعت، في المحيط
رسمت الطريق من اول وجديد
التشابه بين الفجر وغروب الشمس بالنسبالي كان شيئ غريب
حياة وموت، زائد سالب
بين الاتنين انتي في عالم تالت
عمر طويل، بس في ثانية خانك
لو رجعت بينا، زي ما كانت
بصيت لفوق عملت فحص
موّت جوّة نفسي كذا شخص
مافيش حد فينا مابيغلطش
انا وضميري في مسابقة رقص
انا بحاول افتكر كل الليالي اللي ساحت في بعض
ايامها دنيتي كات سهلة بس انا اللي فضلت مصمم ع الصعب
اسم الاغنية : البوصلة ضاعت
كاتب الاغنية : مروان موسي
ملحن الاغنية : مروان موسي
غناء : مروان موسي
العربية
