كلمات اغنية الحاسة السابعة احمد مكي مكتوبة.

الكاتب: حنان حوشان -
كلمات اغنية الحاسة السابعة احمد مكي مكتوبة.

كلمات اغنية الحاسة السابعة احمد مكي مكتوبة.

 

كلمات اغنية الحاسة السابعة احمد مكي مكتوبة.
ف يوم قاعد ف كوفي شوب بشرب قهوة وسيجارة
سرحت قفلت عيني زرت ذكرياتي زيارة
سرحت ف قد ايه الدنيا دى واطية وغدارة
وان حب الناس 90% منو تجارة
وده مش كل الى افتكرته ده عصارة العصارة
اصل افتكرت فترة ضعت فيها ودقت خسارة
على رأى ست كبيرة فى حتتنا الدنيا خيارة
اسمع منى الحدوتة دى وافهم معنى العبارة
 
شاب زى كتير شباب طريقه مكسر
مش باينله فيه غير الضباب
الاكتئاب صايده وناهشه نهش ديابة وكلاب
قرب يتجنن، ليه دايما النتيجة سودا هباب
دا انا من صغر سنى بسعى وباخد دايما بالاسباب
كل اما اوصل لحاجة بتبعد زى السراب
 
 
 
 
راس مالي فيها صحة وأمي وشويه صحاب
حتى الصحاب، من الاكتئاب اغلبهم أدمن
تحت التراب مكانهم، الله يرحمهم، واتقفل الباب
صعب جداً احساس انك تدي تدي ومتلاقيش
وتكمل الطريق من غير أمل عليه تعيش
كل يوم زي اللى قبله شغلة شكل وما بتمشيش
اشتغلت كل حاجة كان ناقصنى أكون شاويش
 
لحد ما اشتغلت فى نادي فيديو وعشقت السيما
تاريخي عربي اجنبي حديثة او قديمة
كل المطلوب انك تعرف تحكى حدوتة
من كان ياما كان لحد كلمة توتة توتة
فكرة حكي الحدوتة فى حد ذاتها جت شدتني
جراب تاريخ حياتي مليان خبرات فادتني
كل اللى شوفته فى طفولتى وفي شارعي حتة مني
درست سيما قولت اعبر عنهم بس بفني
أفلامى فى المعهد كسبت فى مصر وبره مصر
قولت الحمد الله أخيرا دوقت طعم نصر
 
وفعلا اول لما اتخرجت روحت أخرج أول فيلم ليا
أصغر مخرج فى مصر وفى كل الدول العربية
الله، دا شكل الدنيا بتضحك ليا
ودعت الميكروباص وجبت لنفسي عربية
روحت اشتركت فى جولز وسيبت انا نادى الطالبية
ومن 3 صحاب بقوا ستين سبعين ومية
اضرب كمان فى مية واضرب كمان في مية
آمنت للدنيا وسلمت وقولت مية مية
ونسيت ان الدنيا دار ابتلاء ودي بلية
خدت الخازوق الصح وخوازيق الدنيا مغرية
 
نزل فيلمى فشل محدش شافه، اخدت صدمة
اديتنى الدنيا ضهرها وشلوت وبوكس ولطمة
مولد واتفض، محدش جوه قلبه رحمة
مش ممكن تعرف مين صحبك بجد الا فى المحنة
 
 
 
 
والميكروباص اجرته زادت شوية
بمرور الوقت فلوسي طارت وبقيت مديون
ما بقيتش عارف ايه تصنيفى عاقل او مجنون
وفي يوم تعبت سخنت عرقت فى السرير نمت
قالى الدكتور اوعاك يا ابني تزعل، قولتله زعلت
ما انا أصلي وقعت ف كدابين الزفة ومنهم اتعلمت
في ناس تحبك وانت عالي بس تسيبك لو وقعت
 
اتأثر الدكتور ساب الشنطة ومسح عينيه
بص في عينيا تايه مش عارف هيرد بايه
طبب عليا وقاللى فيه مثل قالوه زمان
صاحبك بجد اللى يفديك بنفسه فى الطوفان
مش هو بتاع القعدة الحلوة الضحكة والدخان
ضرب جرس بابي فتحت لقيت صحاب زمان
صحاب أصيله جم يزوروا اخوهم العيان
الله لما تحس ان حد هامه أمرك
بيحبك من قلبه بجد مش مصلحته هبرك
مش بيضحلك وهو بيحفرلك فى قبرك
مش مهم كتر المعارف صاحب واحد أصلى أبرك
صحابي وقفوا جنبي طلعونى من ليل سرمد
الضربة الجامدة لو ما موتتش منها تبقى أجمد
 
 
اسم الاغنية : الحاسة السابعة
 
كاتب الاغنية : غير معروف
 
ملحن الاغنية : غير معروف
 
غناء : احمد مكي
 
شارك المقالة:
198 مشاهدة
هل أعجبك المقال
0
0

مواضيع ذات محتوي مطابق

التصنيفات تصفح المواضيع دليل شركات العالم
youtubbe twitter linkden facebook