ولا الحزن القديم إنتي
ولا لون الفرح إنتي ولا الشوق ولا الشوق
ولا الشوق المشيت بيه غلبني أقيف
ولا بنتي وما بنتي
ولا التذكار ولا كنتي.
بتطلعي إنتي من غابات
ومن وديان ومني أنا
ومن صحية جروف النيل مع الموجة الصباحية
ومن شهقة زهور عطشانة فوق أحزانا متكية
بتطلعي إنتي من صوت طفلة وسط اللمة منسية....
تجيني يجيني معاك زمن أمتع نفسي بالدهشة...
طبول بدق وساحات لي فرح نور وجمل للحزن ممشي...
وتمشي معاي خطانا الإلفة والوحشة
ولا البلقاهو بيعرفني ولا بعرف معاك روحي
وتمشي معايا وتروحي
اسم الاغنية : الحزن القديم
كاتب الاغنية : عمر الدوش
ملحن الاغنية : محمد وردي
غناء : امال النور
العربية
