حكيم عليم مخلص جسور
طاير على جناح العصور
داير كما يدور الدولاب
و را التاريخ من الجدور
يطلع جبال
يقطع شعاب
يغوص ف أغوار البحور
ينبش بعينه ف الكتاب
يقر الشواهد ع القبور
و لما عاد السندباد
رمى السلام و قال كلام
و اسمع كلامه و حلله
تلقاه بسيط من أوله
تعمل حويط و تأوله
تطلع غشيم
قال الحكيم
العمر ماشي و كل ماشي و له مداه
و كل فرد و له بدايته و منتهاه
الشعب هو الباقي حي
هو اللي كان هو اللي جي
طوفان شديد لكن رشيد
و الشعب لما يقول يا أصحاب العقول
نسمع و نوعى و نحترم صوت الاله
اسم الاغنية : السندباد
كاتب الاغنية : غير معروف
ملحن الاغنية : غير معروف
غناء : الشيخ امام