قالو لي انساهو وامسح من خيالك ذكرياتو
انسى كل الماضي وابعد عن طريقو وعن حياتو
فات وخلاك للزمن بعد امالك سدن
ليه تحن من تاني ليه ليه تفكر في صلاتو
السنين العشت فيها معاك هنايا
اقوى من قول العوازل واسمى من كلمة وشاية
لو خلاص قلبك نسى الايام معايا
برضي راضي في الغرام كم من ضحايا
بس تأكد يا حبيبي انو حبك في دمايا
بالامل صبرت قلبي وعشت في دنيا الاماني
اهدهد الشوق بين ضلوعي واترجم الالام اغاني
باروي للناس سر عذابي واحكي ليهم ماشجاني
لا نفع دمعي السكبتو ولا شفع عندك حناني
الغريب عن وطنو مهما طال غيابو
مصيرو يرجع تاني لاهلو وصحابو
ينسى الامو وشجونو ينسى حرمانو وعذابو
الا قلبي يا حبيبي في هواك طال اغترابو...
اسم الاغنية : السنين
كاتب الاغنية : الطيب عبد الله
ملحن الاغنية : الطيب عبد الله
غناء : الجان محمود عبد العزيز
العربية
