كلمات اغنية الشيء ارسينك .

محدش ليه فضل عليا ف الشئ ده ، انا بدأته لوحدى و لوحدى هرتقى

- انا وحش بفترى على الى مرازينى و ملهوف انه ياكل من لحمى ف ذلتى

- لو قوتى الحالية قالقاكوا ، دى مصيبة لإنى يا دوبك بحمى و ببتدى

- الحرب الى هثبت فيها ان أغلبكوا مقامه ف الفن تحت جزمتى

- الشئ ده هو الى فاضلى من الحلو الى ضاع ف لحظة و مبقتش بشوفوا

- همشت تقريبا كل شئ لأجله و أى شئ تانى غيره سيبته بظروفه

- انت وصلت بالحك اما انا حاربت لوجوده ، ملخص الى بقولوا

- متفكرش انك تتحدى واحد لما وصل للى فيه ده وصله بمجهوده

- حبكوا كان فين لما وقعت و الشعر ف كلامكوا ليا بعد ايه بتقولوه ؟

- إسلكوا لنفسكم الأول بعدين إنصحونى و قولولى اعمل ايه و معملوش

- ببص لأبعد مما عينيك بتودى . قاتلهم بالحق ، ده كيف ف كتابتى

- فا مش هوقف لو سيف ف رقبتى . إتولدت و هتوفى بالشئ ده ف دمى

- و لعلمك لو فاكر انى عادى زييك زييهم يبقى انت لسة مش قارينى

- عشر سنين من دلوقت يوم بدايتى ده هيبقى يوم تاريخى

- انا كنت غبى لما كنت فاكر ان الفرصة مش هتيجى

- فا عملت حسابى لكل خطوة جايه فا مالك انهاردة و بكرة ف ايدى

- انا سابقكوا زى الضوء ، احترامى بقى قاعدة ثابتة

- انا ف ساحتكوا زى الموت ، مبجيش غير مرة واحدة

- تسديدى اخره دايماً جول ، عشان سكتى خضرة سالكة

- حتى لو مش شايف النوم ، عمرى ما هبطل احلم

Verse 2

- مهما يطلع ميتينى الزمن ، بكمل و اقول ده نصيبى و اتقسم

- عشان ياما ندمت لسنين ع الى اختفى و فهمت انى مش بستفيد من الندم

- يوم ما اطلع ، يبقى الى انا فيه مش م العدم ، عشان هبنى بايدى طريقى للسما

- لانى مجيتش من عيلة غنية ، العيلة الغنية هتيجى منى انا

- بتكلم عن الى مدايقنى كشخص ، فا مش مهم تبقوا كلكوا ف صفى

- لو حقى ف السما ، هستنى للآخرة . و ف الدنيا هتوبله و اسجدله و اصلى

- و لو حقى موجود تحت الأرض هجيبه ، حتى لو اضطريت احفرله بضوافرى

- دى مش مجرد طاقة مبتدئ . انا هنا من زمان . بس الفن الهابط مكتسح

- بالنسبالهم ف المجال انا زى مواطن مغترب ، عشان مش زييهم نمطى . انا مسارى مختلف

- محروقين و انا متعتى انى ازود نار الملتهب ، عشان رغم انى ببتدى . مُصنف قاتل محترف

زى إليام ، ف الفضاء انا نجم ساطع مرتفع ، لكن ف الحرب انا نيزك . للأرض قادم مندفع

- حتى لو طلعت من الحرب بخسارة و منهزم ، مش ببص ورا ضهرى . عمرى للماضى ما التفت

- مفيش حد ف البشر كامل الاوصاف و مكتمل ، ده سبب مدينى الجرأة انى بأخطائى معترف

- انا متصاب و منهمك ،بس رغم ده انا واقف للجمهور و انا ف ضهرى الطلقات و مبتسم

- ما زلت صامد محتزم ، انا ثابت لمماتى كل ما اقع بقف وحدى انا تلقائى متزن

 

اسم الاغنية : الشيء

كاتب الاغنية : ارسينك

ملحن الاغنية : ارسينك

غناء : ارسينك