الشيخ سيرو
النصيح جديدو
البريد الشيخ
أنا يا ناس بريدو
غنت ليك السرارا
ود العز والقهارا
ود البدقو النقارا
عينك حمرا وشرارا
حاجبك فيه انصرارا
قلبك فيهو المرارا
صدرك فيه انكرارا
دخل البقعه جالا
وكمل قماش النصارا
غنت ليك أم ضمير
قالت الشيخ وارث كثير
تلات ألاف صنف البعير
تلات ألاف درجن صغير
تلات ألاف وردن حفير
تلات ألاف فوق في المقيل
تلات ألاف شايلات حرير
لاك عمدة ولاك مدير
دا الفتح المن الكبير
غنت ليك أم رسا
للعريان طبق الكسا
تلا أرادب عشا
تلا أرادب عشا
متحكر لعبادة العشا
عبدالكريم ترك النسا
يا ولادة الصفا
العتق الدم بالعصا
اسم الاغنية : الشيخ سيروا
كاتب الاغنية : غير معروف
ملحن الاغنية : غير معروف
غناء : عبد الكريم الكابلي
العربية
