حتى انتي ياللي اسمك قوطه .. بتذلي فينا ومبسوطه
حرام عليكي يا مجنونه .. خليكي عاقله ومظبوطه
عامللنا ازمه وشبوره .. وبقيتي في السوق مشهوره
وكل يوم طاله في جرنال .. ومنزللك كام صوره
بقى ليكي سعر وليكي قيمه .. يا مفعصه وعامله سليمه
ده مش بعيد بعد شويه .. نشوف جنابك في السيما
من امتى انتي بعشره جنيه .. والناس غلابه هتعمل ايه
بقيتي اغلى من التفاح .. منفضالنه وعامله بهيه
مجنونه اكتر م العاده .. والحاله جاتلك بزياده
يارب اشوفك يا طماطم .. من السرايه واخده شهاده
ده حتى شكلك مش هو .. وبايظه خالص من جوه
رضينا وانتي معندانا .. واخده الأمور عافيه وقوه
حرام عليكي خنقتينا .. وبأي حق تذلينا
من بعد ما دخلتي في ازمه .. الكل بقى يلعب بينا
هانشتكيكي يا قوطه لمين .. ولحد امتى نكون صابرين
اه يا خوفي منك يا طماطم .. لا يصرفوكي مع التمويل
هنضيع ونحتاس من غيرك .. وع العموم كتر خيرك
اخرتها برضو يابنت الناس .. تقلي اصلك وضميرك
اسم الاغنية : الطماطم
كاتب الاغنية : فتحي بدوي
ملحن الاغنية : مصطفى اونس
غناء : شعبان عبد الرحيم
العربية
