كلمات اغنية الفافنوس عبد الكريم الكابلي.

دا إن اداك وكتر ما بيقول اديت
أب درق الموشح كلو بالسوميت
أب رسوة البكر حجر شراب سيتيت
كاتال في الخلا وعقبن كريم في البيت
ماهو الفافنوس ماهو الغليد القوص
ود المك عريس خيلا بيجن عركوس
احي على سيفوا البحد الروس
ما دايرالك الميتة ام رمادا شح
دايراك يوم لقى بدميك تتوشح
الميت مسلوب والعجاج يكتح
احي على سيفوا البسوى التح
إن وردن بجيك في أول الوردات
مرنن مو نشيط إن قبلن شاردات
أسد بيشة المكربت قمزاتو مطبقات
وبرضع في ضرايع العونز الفاردات
درعك في ام لهيب زي الشمس وقاد
سيفك من سقايتو استعجب الحداد
قارحك غير شكال ما بيقربو الشداد
يا بقت عقود السم يا جرعة عقود السم
يا مقنع بنات جعل العزاز منجم
الخيل عركسن ماقال عدادن كم
فرتاك حافلن ملاي سروجن دم
وماهو الفافنوس ماهو الغليد القوص
ود المك عريس خيلا بجن عركوس
احي على سيفوا البحد الروس
 

اسم الاغنية : الفافنوس

كاتب الاغنية : غير معروف

ملحن الاغنية : غير معروف

غناء : عبد الكريم الكابلي