الفل والياسمين والورد عملوا سوى صحبة موضة
ويا الزهور دول ربطوا عهد عنا ف حبيبي في الروضه
صحيح تشابهم وجناته لكن وفين لونه الزاهي
وسحر جفنه ولحظاته وورد خده ده الباهي
ده حسنكم يفضل ساعة وحسن محبوبي دايم
ما فيش بقى إلا الطاعة للي أنا في حبه هايم
الزهر بعضه له ألوان والبعض له ريحه جميلة
وحبي فيه حسن البستان ما فيش بقى ف حبه حيله
يا سلام عليه لما يخطر يميل ويتعاجب بقوام
ما فيش كده أبدا مظهر من دي المحاسن آه يا سلام
اسم الاغنية : الفل والياسمين والورد
كاتب الاغنية : احمد رامي
ملحن الاغنية : احمد صبري النجريدي
غناء : ام كلثوم
العربية
