سفينتي متبنيتش عشان جماهير عريضة
لو شىء بغنوة إتهد يتبني بقصيدة
لا اختارت جاري ، ولا قُطر فتحة غاري
مصمم ع اللي اختارته ، ومش حزين مع اختياري
لا شىء لا يمكن استبداله .. عالج التعلق
ناس كتير ع القمة لا تفقه التسلق
أغلى من حاجات ، وكافرة بالتدرج
تيجان ملوك دابت نتيجة التملق
غير العامة .. بنطارد الفراشات بشغف
ع المشانق أطفال إذا فرعون ارتجف
جيوشنا لفت من غير ما تضرب سهم
من قصاد حصون ورق كانت مدهونة وهم
بوظت اللوحة لما حاوطتها ببرواز
تجار إصلاح لكن من يوم ما فهموا الناس
تاجروا في الغضب والطوب .. وسط بيوت إزاز
عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني
فينا حته أغمق من أغمق مكان في الكون
أقدم حتة غسيل لسه بتطفح لون
في ناس مكان ما تشوط ينصبولها جون
احنا اللي حاربنا ده في عز ما كننا دول
بغير الأسامي وأحكي نفس القصة
كل شىء بيغلى ، وانتي رخيصة لسه
بغطس في الوجع بدون أنفاس حابسها
ريحتك في كل حاجه كنت بتنفسها
تعالي قبل النوم وانا احكيلك حكاية
عالم سلبي طول ما الأكسجين محايد
في فرق بين كويسين وبين بطلنا
الناس مبيبانوش بجد غير في الضلمة
كان بيننا خيوط لكن مش باقي غير أرفعهم
بينطوا من عماير والهوا بيرفعهم
قالتلي مبتعرفش تحب ليه ترتبط؟
انا بحب انا .. حتى لو اتشقلبت
عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني
بقطع وش ألاقي تحته وش
أشك في اللي بنى ، وأشك في اللي اتبنى
أصعب اكتشاف في العالم اكتشاف ال انا
عصاه تبلع عصيانهم ؛ فبيصبح مكروه
يقولوا عليه من ضهره ، ويخافوا يناظروه
لا دينه دينهم ، ولا عايز رضا التمثال
يبص على معبدهم يضحك من عدد الإقفال
ده بسبب كشافات الليل بقى النهار مليل
مادام بياخدوا اكتر منك .. الكتير قليل
في ركن في الفضاء ، وجنبك اكسجين متسيل
لا حمل إنك تشيل ، ولا إنك تشيل
إسأل فحم المكن عن معنى رأسمالي
بفضل اخواتنا في فلسطين بقى للطوب معاني
لو مش عارف ابن آدم كنت لومتك
جرب تكونني ساعة .. تنفجر جمجمتك
غبي لدرجة ان الرد اللي انت قولته
بكتب قصايد ، وده شرف عمرك ما نولته
الجامد الروش ده أعلى لقب طولته
فيلمكوا رخيص ، وانا انسحبت من بطولته
عمري ما اسأل اللي سابني ليه سيبتني
حاسس اللي كتبته ، ومش مهم انت تحسني
الحاجة اللي تهمني إن مفيش حاجة تهمني
ع اللي إتهد مش حزين ، ومش سعيد ب اللي بيتبني
تابعنا على الفيسبوك .. تابع جديد الاغاني
شارك هذه الاغنية على مواقع التواصل الاجتماعي ودع العالم يعرف مدى رووووووعة ذوقك ورهف احساسك
اسم الاغنية : القصيدة
كاتب الاغنية : غير معروف
ملحن الاغنية : غير معروف
غناء : الجوكر
العربية
