اني احبلي بنيه تداوم بكليه
ما ادري هي بيا قسم جمالها يهز الدنيا
يوميه اصحه من الفجر وكبال شارعها انتظر
كاظيها بس اكتب شعر يوميه اغني اغنيه
افتريت طب الصيدله بكل قسم وبكل مرحله
اي اثر الها ماشفت عذبتني حيل مدللة
دمرني كلبي وما نسه فتريت اداره وهندسه
كل صبح ابجي وكل مسه كولها تحس بيه
ويلاه ويلي منه مو بشر ورده جنها
اليريد يشتم العطر خل يوكع بحضنها
امنيتي افوت ابالها وبكل هدوء اقرالها
وبروحي خلي تلعب لعب بيمينها وشمالها
ام عيون مسحوبه بكليبي لعبة طوبه
بعيونها تخزر خزر تجبرني اكول التوبه
استسلم وارفع علم مكتوب بي هاج الرقم
ياناس كلبي منحرم رايد حنان شويه
يوميه اروح الجامعه وبس خبر رايد اسمعه
يكوليلي حسن بالعشك والروح بيك امولعه
انطيها كلشي وما امل واحجيلها حب وغزل
الحلوه مو بس بالشكل الاحلى بعد متواضعه
ماريد بس تنظر الي الها اسولف مايلي
غيرج ولا يرهم عليه يابعد عمري وكل هلي
باسمج تره يصيحوني الحبج نذرت عيوني
كل عقلي جايج مو لعب وياج بيضه النيه
اسم الاغنية : الكلية
كاتب الاغنية : سيف الزين
ملحن الاغنية : احمد الحلاق
غناء : احمد الحلاق
العربية
