الليلة هوي يا ليل.. الليلة هوي يا ليل
غنّيت بجيب مسدار
زايد بي حديثاً يسمعوا الحُضّار
إنتو مأصلين يا أولاد ملوك الدار
الوالد أمكم فارساً بخوض النار
الليلة هوي يا ليل.. الليلة هوي يا ليل
شدولوا ركب فوق العلقلو الساس
يا تركة الصفا ويا ود عُزاز الناس
يوم هبشوا النحاس وليلة عوى الرصاص
أصل الشكرة هيل أبواتك الفُرَّاس
الليلة هوي يا ليل.. الليلة هوي يا ليل
شدولوا ركب فوق البخرت الذمْ
أول من وصل في حقهن قدّمْ
دفع حق البنات وما قال عِدادن كمْ
نسيبتك زغرتت وقالت حباب الشمْ
أمّو.. أمّو.. أمّو... بتقول عند الله بتمنَّى
لي اليوم السعيد عجنولك الحنّاء
سيف الصاقعة ولدي الما بدور سنَّ
زاروق الصُفَاق المنّو الخصيم جَنَّ
الليلة هوي يا ليل.. الليلة هوي يا ليل
الليلة العريس من أمو سار مبسوط
فرشولوا السباتة واتلمّن البنوت
دقر الند أبوك يا ود مقص الفوت
يسلم لينا جَدّك يحلحل المربوط
الليلة هوي يا ليل.. الليلة هوي يا ليل
الليتبارك جديد.. داج بالعديل والفأل
والبيت البخيت إن شاء الله حوزتو عيال
سيد الشكرة في اليوم أب مَحَاص وكتال
سمتان ما بتثبّتك في ملاقي رجال
الليلة هوي يا ليل.. الليلة هوي يا ليل
اسم الاغنية : الله لي هوي يا ليلة
كاتب الاغنية : غير معروف
ملحن الاغنية : غير معروف
غناء : جمال فرفور
العربية
