كلمات اغنية المتسلطن احمد عدوية.

انا القلب العليل من كل اتجاه
مش من مكان واحد
رحت لدكاترة كتير، وخدت انا م الدوا
برضو الألم واحد
وعملت زفّة وزار، ورقوني واتبخّرت
مش عند شيخ واحد
قصر الكلام الدوا عند اللي خلق الدوا
مش عند ولا واحد
سلطنلنا المتسلطن، دلعلنا المتدلع
روقلنا المتروق، ولعلنا اللي مولع
مهما كان كلك حمول
واتخدعت ف دول ودول
في الحياة ولاد أصول
بس نقّي وطلّع
دنيا ودايرة بينا يا عم
هنشوف لسه فيها يا عم
ياما اتعلّم علينا يا عم
وياما الجرح سمّع
سلطنلنا المتسلطن، دلعلنا المتدلع
روقلنا المتروق، ولعلنا اللي مولع
مهما كان كلك جراح
اوعى تبكي على اللي راح
والفرح لو غير متاح
برضو بكره يجمّع
سلطنلنا المتسلطن، دلعلنا المتدلع
روقلنا المتروق، ولعلنا اللي مولع

اسم الاغنية : المتسلطن

كاتب الاغنية : ملاك عادل

ملحن الاغنية : محمد يحيى

غناء : احمد عدوية