ممنوع من السفر
ممنوع من الغنا
ممنوع من الكلام
ممنوع من الاشتياق
ممنوع من الاستياء
ممنوع من الابتسام
وكل يوم فى حبك
تزيد الممنوعات
وكل يوم باحبك
اكتر من اللى فات
متشوقه وسجينه
مخبر فى كل عقده
عسكر فى كل مينا
يمنعني لو اغير
عليكي او اطير
اليكي واستجير
بحضنك
او انام
فى حجرك الوسيع
وقلبك الربيع
اعود كما الرضيع
بحرقه الفطام
حبيبتي يا مدينه
متزوقه وحزينه
فى كل حاره حسره
وف كل قصر زينه
ممنوع من اني اصبح
بعشقك .. او ابات
ممنوع من المناقشه
ممنوع من السكات
وكل يوم فى حبك
تزيد الممنوعات
وكل يوم باحبك
اكتر من اللى فات
اسم الاغنية : الممنوعات
كاتب الاغنية : احمد فؤاد نجم
ملحن الاغنية : الشيخ امام
غناء : الشيخ امام
العربية
