الوافر ضراعو
الوافر ضراعو أمنتو الرسول
مأمون الوداعه برد دار أبوه
غنى يا الهويده
لود البها وجريت القصيدة
شال الصوت عرض تاية أخوى فريدة
يا جنيات انصرفو ميزة أخوى بعيدة
تغنى الفى جرفو
لود البها والخلوق بتعرفو
شال الصوت عرض يا جنيات انصرفو
نمر العبدلاب الما بيرجف كتفو
غنى يا سلكوكه
جر النم عليه وخنقى الدلوكه
انت يا الأصم يا الما بحمسوكا
يا ضرب يومين تنزل فوق عدوكا
يا قشاش دموعي العلى سالت
وقت الحاره جات والفرسان ان جالت
نادولى الحسن تومى الحرابه دارت
فهمك مو دراسه
يالنيل الطمح كسر التُّراسه
وقت الصيح وقع والفرسان تتواسى
برد دار ابوك تضرع ضحى وناسا
فهمك مو قليل
يالهامه اب زنود فى السموم تقيل
يا رحل الكحل بالشضاض تميل
جيت يا خيرنا قش دمعى المسيل
اسم الاغنية : الوافر ضراعو
كاتب الاغنية : غير معروف
ملحن الاغنية : غير معروف
غناء : جمال فرفور
العربية
