حط عقلك براسك ... فيه تلقى خلاصك
وان سبحت الليالي ... لاتحدد مغاصك
جان ماصنت سرك .. كيف غيرك يصونه
من يخونه فؤاده ... سهله غيره يخونه
يذبل الورد لما ... ينقطف من غصونه
كون واثق بنفسك ... لو عصتك الأماني
بين يومك وأمسك ... يختلف حال ثاني
لاتسلم شعورك ... للذي مايصونه
صادق الحب واضح ... تعرفه من عيونه
يذبل الورد لما ... ينقطف من غصونه
ابتسم لليالي ... يبتسم لك زمانك
لو تبي تعيش غالي ... صون واحفظ لسانك
لاتفضض بسرك ... عند من لايصونه
يذبل الورد لما ... ينقطف من غصونه
اسم الاغنية : الورد
كاتب الاغنية : على الخوار
ملحن الاغنية : محمد المازم
غناء : محمد المازم
العربية
