كلمات اغنية امانة الوطن نصرت البدر.

نتنومس عالمنايه شلون نوماس
عراقـيـيـن احنه وللشـرف ساس
الغيره مو بضاعه وتنشره بفلوس
اصلـية تـجي ومـدكـوكـه بالـراس
جفوف ثنين طاحن وانطفت عـين
ومـا طـاح العــلـم من ايـد عـباس

بيـريتك وصـيه شيله اختك

امانه هالوطن صار بركبتك

مخلوقه الشوارب حتى غيره تشيل
مـو ننطي الظـهـر للي عـلينا يعـيـل

تذبهه شلون مو عيب على بختك

لان عالغـيره من اول ربيـنه
يوجعنه العراق شلون بينه
نشيل العلم لو تنكص ادينه
وما نرضه يكـولون انـسبينه

امانه هالوطن صار بركبتك
بيريتك وصـيه شيله اخـتك



انسبينه شلون ما تقبلهه ذمتك
انت ابن العراق الغيره شايلتك
كلـوب النـاس منـقوشـه بركـبتك
تذبهه شلون مو عيب على بختك

بيريتك وصـيه شـيله اختك
امانه هالوطن صار بركبتك

على احوال العراق عيون شمات
هـو بعـيـنهم مـثـل الــسهم فـات
لجل عين العراق نروح فدوات
وابد هيـهات من الذله هـيهات

امانه هالوطن صار بركبتك
بيريتك وصيه شيله اخــتك

بوجه الريح لو تحميهـه كـصتك
انت ابن العراق الغيره شايلتك
امـانه الموصـل تـضل بركـبـتك
انت ابن العراق الغيره شايلتك

بيـريتك وصيه شيله اخـتك
امانه هالوطن صار بركبتك

اسم الاغنية : امانة الوطن

كاتب الاغنية : ضياء الميالي

ملحن الاغنية : نصرت البدر

غناء : نصرت البدر