امي جنة حنينه وكلها خير
امي روحي قلبي والحب الجبير
امي دنيا حظنها دوه كل الجروح
كل حياتي هي وفدوه لامي اروح
امي جنة ويا حظن امي احس بلذه بيه
اموت اذا كعدوني عنه
امي جنة حنيه وكلبها يوسع الكون
دافيه وكلها محنة
امي من تصلي تنسد الجحيم
وتنفتح مليون جنة
امي من تزعل سعادة ما اشوف
ما اتوفق وافشل واوكع بمحنة
امي من تحجي شفايفها الكمان
صوت يهدي الوجع من تعزفلنا
همها متشيله وخطية تشيل همه
امي من تتوضى احس الماي يكول
نويت ان اتوضى بيد امي المحنة
امي خيمة تلمنا والعامود ابوي
ومن بعدهم ما اظن محد يلمنا
ذاك ابوي جابها هموم وعذاب
تعبلنا وجاب اكلنا وشال همنا
ما لبس ملبس جديد بس جديد احنه لبسنا
ابوي جنة ابوي بالدنيا بعد ما الكى منه
الناس تنطي بس يسوي منه عليك
ابوي ينطي بس ابد ميسوي منه
ابوي شخصية وثقل حب وحنان
ابوي اعجز اوفي حقه واحجي عنه
ابوي التخاف الزلم وجه المظيف
جوه بيته يضحك ويلعب ويانه لو لعبنه
شلكه منه وين منه
ابوي سواني زلمه وعلمني شي
الزاد حوبه والخوه حوبه والصحبه حوبه
الزلم اخلاق مو اصوات خشنه ابوي جنه
ابوي جنة وخيمة تلمنا بكل حنان
ابوي ضحه وربه كسر ظهر الزمان
ابوي متعوب مهموم تعب من هل عذاب
فدوه لإسمه نتعب اذا على البيت غاب
امي جنة ويا حظن امي الاحس بلذه بيه
اموت اذا كعدوني عنه امي جنه
اسم الاغنية : امي وابوي
كاتب الاغنية : غير معروف
ملحن الاغنية : غير معروف
غناء : زيد الحبيب
العربية
