كلمات اغنية انا بدوي سعدون بن فيصل.
ما فيه منهو باخصً محتواها
دنياً تسوق مصولفات الصواديف
ودروسها يا مخبل اللي نساها
وان كان تنشدني عن العلم يامنيف
نفسيتي يا منيف يشره علاها
في تالي الايام لو شفت ما عيف
خسارة الهده على من بناها
دوراتها ما كنها الا العواصيف
وعيا يخيّل يارفيقي سماها
ونبا الحياه اللي كثيرً حلاها
ليته يساقيها من السيف ل السيف
تاخذ ثلاث شهور ما جف ماها
حتى يجي لاهل البداوه سواليف
عن عشبه اللي كل ديره كساها
ما مر مثله فالجزيره ولا شيف
بدوً عطاها الله على مبتغاها
قناية الناقه وقراية الضيف
اللي ليا جاها المسير لقاها
اما بوضحً للموده مشاعيف
لا طوّح الراعي بصوته شعاها
ولا مجاهيمً سوات المشاريف
تزمي على البيدا وتلحق هواها
يرعونها من حد نجران ل طريف
ولا كسعوها فالشبوك وغثاها
وانا بدوي يامنيف ماني بتوليف
على البداوها يوم غير بلاها
يتل قلبي حب وضحً مواليف
ويثر علي لا غبت عنها غلاها
احبها حبً يفوق التواصيف
ومن لامني فيها لاعله فداها
اسم الاغنية : انا بدوي
كاتب الاغنية : فهد ضاوي الحطيم
ملحن الاغنية : سعدون بن فيصل
غناء : سعدون بن فيصل
العربية
