أنا لو نعيم الدنيا عندك احرميني
أنا أو جحيم الآخرة ملكك عذبيني
يا ضناي يا وهجة اشواقي الحبيسة
جرحي أصبح ما بفيد لو تجرحيني
لو شقاي لو حالي سراك
للعذاب ايه جابني لولاك؟
سرت دربك ودربك أشواك
أنا لاني قادر تاني ارجع
ولامشاعرك راضية تسمع
بالحياة غيرك صحاري
والسعادة محرمة معاك
وآآآآآآآ أنيني
كان أمل كان أمنيات حبي ليك وغدرتي بيهو
كان شبابي أنا غالي عمري ياما كنت بخاف عليهو
كيف تنسي نارو وتطفي نورو ومن حنانك تحرميهو
يوم قلبك الخداع نكر إخلاصي واشوقي وحنيني
في الماضي حسيتك نغم اتمشي في القلب الحزين والليلة لاقيتك عدم كاني فارقتك سنين
بين يوم ويوم خف الألم واحساسي بالجرح انعدم وفداك اصبح يانغم احزان عميقة بتعتريني
اسم الاغنية : انا لو نعيم الدنيا عندك
كاتب الاغنية : غير معروف
ملحن الاغنية : غير معروف
غناء : صلاح بن البادية
العربية
