يحن خفاقي لا شفت البواخر
تعدت الشاطي وغابت في الامواج
تبحث على لؤلؤ طبيعي وفاخر
انا والبواخر
يزهي نحر من هو يحب التغناج
والعود الأزرق لا أحترق في المباخر
ما يشبه الا ريحه العذب لا فاج
واليوم ينظر لي بمنظور ساخر
كنه يريد يسبب لقبي احراج
ياللي بدا وصلك معاي يتباخر
لا ترتجي من صاحبك ضحكة حجاج
سوس الهجر في عظم الاشواق ناخر
والحزن في روض المحبين دواج
من التغطرس والكبر والتفاخر
ما جبت لجروحي من فراقك علاج
على كثر ما كنت يا زين ذاخر
في مملكة قلبي لك العرش والتاج
من قلب بالشيمه وبالعزم زاخر
اقفيت وانا عالي مثل الابراج
والله لو انك أول انسان وأخر
إنسان ماحتاجك ولو كنت محتاج
اسم الاغنية : انا والبواخر
كاتب الاغنية : غير معروف
ملحن الاغنية : غير معروف
غناء : حسين الجسمي
العربية
