انا والعذاب وهواك عايشين لبعضينا ..
آخرتها ايه وياك ..
ياللي انت ناسينا
عهد الهوى صنته وعمري ماخنته ولا بعت ايامه
الحب خبيته وبقلبي غنيته وعشقت انغامه
وقلت اغني وياك يا قاسي
بعدت عني وفضلت اقاسي
واحتار شبابي معاك والوجد فاض بينا
صابر وبستناك والصبر مش لينا
آخرتها ايه وياك ..
ياللي انت ناسينا
اهل الهوى مساكين صابرين ومش صابرين
وبيحسدوا الخالي
اصل الهوى غدار فيه القلوب تحتار
مال الهوى ومالـــــــــــي
ياللي بحبـك حيرت حبي
طاوعت قلبك لاوعت قلبي
عيني على عيونك والرمش بجفونك
قادر وظالمني
عينك بتتكلم والرمش بيسلم
وانت مخاصمني
وفي كل نظره شايف غرامك
ولا قلت مره سبب خصامك ..
آخرتها ايه وياك ..
ياللي انت ناسينا
اسم الاغنية : انا والعذاب وهواك
كاتب الاغنية : عبدالمنعم السباعي
ملحن الاغنية : محمد عبد الوهاب
غناء : محمد عبد الوهاب
العربية
