اسم الاغنية : انة المجروح
كاتب الاغنية : غير معروف
ملحن الاغنية : غير معروف
غناء : عبد العزيز المبارك
انة المجروح
يا أنة المجروح
يالروح حياتك روح
الحب فيك يا جميل
معنى الجمال مشروح
للحب لهيب فى الجوف زى الزناد مقدوح
منه الجبابرة تلين لصوت بلابل الدوح
وتصاحبو النسمات تفضل معاها تدوح
بين نغمة الأشواق ومحاسن الممدوح
الناس تحب رؤياك بالخاطر المشروح
حورية فى السودان بحبى ليكى أبوح
يا عنب جناين النيل أتمنى منه صبوح
وانشد فؤادى الضال بين الرياض مذبوح
وأرى الهلال فى ظلال تلك الخميلة يلوح
أنا لو ضمنت رضاك اكون سعيد ممنوح
تكسى النهار بجمال خديك جمال ووضوح
منه الغزالة تقيف فى موقف المفضوح
من الوله للقاك دمعى الغزير مسفوح
ناقم على الأيام مع أنه طبعى صفوح
انا والخيال فى جدال وانت بنداك منفوح
كل ما النسيم يغشاك زى الحديقة تفوح
رايق كحيل نعسان انسان رقيق وجموح
ساحر العيون بجمال فى سواك ما مملوح
ان كان تميس بنميس ان كان تموج بنموج
عدل الطبية جعل جور الحبيب مسموح
يا ملفت الأنظار يابسمة المفروح
وانا أهدى ليك الحب حب من فؤاد مجروح
حب الشحيح للمال حب الجبان للروح
العربية
