كلمات اغنية انت انت محمد عبد الوهاب مكتوبة.

انت انت و لا انتش داري انت انت نعيمي و ناري
و اللى باحبه برضه انت

انت النار اللي محاوطانى و اللى رضيت بنصيبى فيها
خايف أقول النار كاويانى لأحسن حتى ما اطولش أسيها
حبيتها علشانك انت إكمن النار منك انت
و اللي باحبه برضه انت

انت الآه اللى بغنيها و يغنوها الناس وياي
و كل ما أقولها و أطول فيها ألقى الدنيا قالتها معاي
كان بدى أقولها لك انت و اللى يغنى معايا انت
و اللى باحبه برضه انت
انت انت
 

كلمة واحدة تريح بالي و تفرح قلبى وياي
لو ترضى يوم و تقولها لى مش حتساع الدنيا هناي
و اليوم ده راح ييجى إمتى الكلمة دى هتقولها إمتى

انت انت و لا انتش دارى انت انت نعيمى و نارى
و اللى باحبه برضه انت
انت انت
 

اسم الاغنية : انت انت

كاتب الاغنية : حسين السيد

ملحن الاغنية : محمد عبدالوهاب

غناء : محمد عبد الوهاب