يا طويلة عنق ميذوبة حشى ردف وقطاه
يا تضاريس الجمال وكل ما ربي وهب
ان مشيتي مشي عز وخصر متناسي عشاه
ما لعب في عودج المياس يا غير المهب
انتي انتي كل شي في كل شي لاخر مداه
وانتي انتي كل شي في كل شي لكن صعب
يا نعومة خد طفل كل من باسه دماه
انتي في وصفك كبيرة واصغر اوصافك عجب
انتي يا كل الجمال وكل معنى للحياة
ويوم شافك صرتي انتي كل ترنيمة غناه
ما طلب مثلك وجيتي كن متمني وطلب
سولفي خليني اسمع صوتك وبحة غلاه
ويا حلاة حروف مرت بين شهدك والعنب
يا فديتك وانتي عمري مبتداه ومنتاه
وقبل اعرفك ما هو عمري بس وياك انحسب
انتي اغلى من عرفته واغلى من قلبي هواه
وانتي اغلى من عشقته واغلى من قلبي يحب
ما ابي غيرك ولا افكر ولا ادور رضاه
يكفي انك في حياتي صبح ما عمره غرب
هاتي كفك فوق كفي خلي يروى من ضماه
لان كفك به امان ولا ضما كفي شرب
وان سألتي كم احبك كبر هالكون وفضاه
وكثر قلبي في غيابك حس بالبعد وتعب
اسم الاغنية : اوصافك عجب
كاتب الاغنية : سالم حمد بن كردوس
ملحن الاغنية : غيث محمد
غناء : فؤاد عبدالواحد
العربية
