عن اول حب في ايامنا
عن واحدة حلمت تكلمها
بنحب ومايجيش على بالنا
الدنيا الصعبة وقسوتها
مين فينا محبش لو مرة
واتحرك جواه احساسه
واتشد لانسانة قابلها
وعنيه نطقت قبل كلامه
في الغالب بنت في مدرستك
او جارتك ساكن في شارعها
تتمنى الايام دي تجري
وتقول هكبر واطلب ايديها
ماتقولش ماعيشتش في الجامعة
احساس الحب وجربته
وفي حب كمان قبل الجامعة
ماسمعتش كدة كام مرة اهواك
حاولت تكون انت بطلها
في مشاعر وحاجات من جواك
ولا اي ظروف بتعطلها
اوقات في حنين جواك ياخدك
ايام تتمنى ترجعها
مدرسة الثانوي اللي قصادكوا
ووقوفك لساعات قدامها
مصروفك بتحوش منه
وهدية تروح تشتريهالها
دي هدية كانت يوم عجبتها
ووعدتها يومها تجيبهالها
في الغالب بنت في مدرستك
او جارتك ساكن في شارعها
تتمنى الايام دي تجري
وتقول هكبر واطلب ايديها
ماتقولش ماعيشتش في الجامعة
احساس الحب وجربته
وفي حب كمان قبل الجامعة
مين فينا ماحبش يوم جارته
طب ليه الدنيا مامشيتشي
ع الحال دة لاخر ايامنا
ليه بنكبر تقلب ببواخة
وتزيد الدنيا في اوجاعنا
اسم الاغنية : اول حب
كاتب الاغنية : احمد شكري
ملحن الاغنية : مصطفي شكري
غناء : يونس مرسي
العربية
