كلمات اغنية ببساطه كده انغام.

ببساطة كده و بكل وضوح .. أنا عايشة كده بقلبي المفتوح
ع الناس و العالم كله .. و بنادي زماني و اقول له
أنا كلي شباب و أمال و طموح
و هروح يا زمان مطرح ما تروح
هاشوف وياك افراح و جروح
كل ده عارفاه كل ده مسموح
ببساطة كده
انا وحدة مليش تجربة .. اسالتي بلا أجوبة
الدنيا قالوا متعبة .. لكن عندي استعداد
اركب مركبة في الفضا .. و اغوص في بحور الندى
و القى لندايا صدى .. لو بيني وبينه جبال
انظر و اسمع و اطرح و اجمع
و انزل و اطلع و انجح و ألمع
أنا قلبي ملوش مشكلة .. يعيش مرحلة مرحلة
و اديني بقول ع الملا .. ما بخفش من الايام
لكن انا قلبي قوي .. يتحمل اي الام

اعتب و احكي و اغضب و اشكي
و اتعب و ابكي و اعلن ضحكي
أنا كلي شباب و أمال و طموح و هروح يا زمان مطرح ما تروح هاشوف وياك افراح و جروح كل ده عارفاه كل ده مسموح
ببساطة كده و بكل وضوح
 

اسم الاغنية : ببساطه كده

كاتب الاغنية : صلاح فايز

ملحن الاغنية : محمد علي سليمان

غناء : انغام