زمن العجايب الما بيفيني ليهو عجب
شاف قلبي تايب بقى امرى عندو عجب استغرب
جا قرب
كفه ضرب
قام فوق جبيني كتب
القاه .. براق العيون
القاه .. يجتاز الظنون
القاه .. بين كنت واكون
القاه ويغمرني الطرب
ما أصله زمن العجايب
مين كان يقول .. وسط الغيوم
تشلع بروق وتشرق شموس
مين كان يقول ..بعد الهموم
نرجع نروق ونطيب نفوس
مين كان يقول .. قمر القسوم
مين كان يقول .. بين يوم ويوم
يهنى ويضوق فرح العروس
مين كان يقول القاه في الزمن الصعيب
القاه ويصبح حبيب
القاه بالشوق الرحيب
القاه ومن البي اطيب
صدقني ياريق الصباح ..
الطالي من زهرات خريف
صدقني يازينة الملاح
.. لي كل جمال حسنك يضيف
صدقني يالشاف ما استراح ..
انك بديع نظرات لطيف
حتى السمع ليك عقله راح ..
واتمنى لو يلقاك يقيف
سايقو الشوق ..
وانا والشوق آه ياشوق
الشوق الشوق ..
في عيوني وفي فنوني
وفي ظنوني
وفيك انت
براق العيون
اسم الاغنية : براق العيون
كاتب الاغنية : غير معروف
ملحن الاغنية : غير معروف
غناء : عبد الكريم الكابلي
العربية
