كلمات اغنية بلاش عتاب عبد الحليم حافظ.

بلاش عتاب يا حبيبي .. بلاش عتاب يا حبيبي
ارحمني من العذاب .. يا حبيبي يا حبيبي
بلاش العتاب ..
طفِّيت كل الشموع .. و قلبي ارتاح و نام
إرتاح من الدموع .. و الحب و الآلام
بلاش .. بلاش العتاب ..
القلب العاصي تاب .. والجرح القاسي طاب
ماصدقت انه طاب .. يا حبيبي يا حبيبي

ياما ياما قلبي داب .. من عذاب الحب ياما
ياما خبيت الآلام .. ياما شفت النور ضلام
ياما كنت اتمني يوم .. يوم يوم ابتسامة
بلاش العتاب .. بلاش عتاب بلاش
يا حبيبي يا حبيبي ..
 

و آمنتك علي راحة بالي .. راحة بالي و علي فرحة قلبي
و في حضن الشوق و الحنية .. غمضت عينيَّ شوية
و في ضل آمالي الحلوة .. و الدنيا ملك إيديَّ
بصيت و لقيتك مش جنبي
و لقيتني انا لوحدي .. انا لوحدي انا و قلبي و قلبي
مش ببكي عليك مش ببكي .. عليك انا ببكي عليَّ
ياما ياما قلبي داب .. من عذاب الحب ياما
ياما خبيت الآلام .. ياما شفت النور ضلام
ياما كنت اتمني يوم .. يوم يوم ابتسامة
بلاش العتاب .. بلاش عتاب بلاش
يا حبيبي يا حبيبي ..

لو كنت حبيبي .. من العذاب انا خدت نصيبي
خدت نصيبي .. بلاش عتاب
ماتكلمنيش ع الحب .. ماتفكرنيش بالحب
لا حياتي هي حياتي .. ولا قلبي اصبح قلب
حبيت الحب عشانك .. و كرهت الحب عشانك
ابداً مش هقدر اسامحك .. ابعد خليك في مكانك
انا بترجاك استني هناك .. استني بعيد علشان انساك
ياما ياما قلبي داب .. من عذاب الحب ياما
ياما خبيت الآلام .. ياما شفت النور ضلام
ياما كنت اتمني يوم .. يوم يوم ابتسامة
بلاش العتاب .. بلاش عتاب بلاش
يا حبيبي يا حبيبي ..
 

اسم الاغنية : بلاش عتاب

كاتب الاغنية : مرسى جميل عزيز

ملحن الاغنية : كمال الطويل

غناء : عبد الحليم حافظ