كلمات اغنية بوتيكات الشيخ امام مكتوبة.

الكاتب: حنان حوشان -
كلمات اغنية بوتيكات الشيخ امام مكتوبة.

كلمات اغنية بوتيكات الشيخ امام مكتوبة.

 


بوتيكات النات كوا النَّات

وشقق مفروشه وعمولات

يا حلاوه الناوه كوا الناوه

يا بلدنا يا آخر فتاكات

بوتيكات النات كوا النات

شبيك لبيك فتح مخك

لبيك شبيك غمض عينك

حتقفّل مخك ح نطخك

ونلوشك لو تفتح عينك

ركب قرنين تركب مازدا

وتعيش سلطان في البرواز دا

مش عاجبك فالجبنه الفازده

والعيش والفول والكرَّات

يا حلاوه الناوه كوا الناوه

يا بلدنا يا آخر فتاكات

بوتيكات النات كوا النَّات

مين فيكوا ما يعرفش عليوه

شيّال المينا الكحيان

في ثواني اتمول واتحول

بقي مسيو عليوه عليَّان

إزاي؟

ما هي بوظه ومفتوحه


وأرانب صاحيه ومدبوحه

تتأستك تبيع البنوكات

يا حلاوه الناوه كوا الناوه

يا بلدنا يا آخر فتكات

بوتيكات النات كوا النَّات



حتقول الفقرا ومشاكلهم

دي مسائل عايزه التفانين

وأنا رأيي نحلها رباني

ونموّت كل الجعانين

وبهذا ما حدش

ح يجوع

لو نعلن هذا المشروع

وح نقفل هذا الموضوع

نهائياً

ونعيش في تبات

يا حلاوه الناوه كوا والناوه

يا بلدنا يا آخر فتكات

بوتيكات النات كوا النات
 

اسم الاغنية : بوتيكات

كاتب الاغنية : احمد فؤاد نجم

ملحن الاغنية : الشيخ امام

غناء : الشيخ امام
 

شارك المقالة:
71 مشاهدة
هل أعجبك المقال
0
0

مواضيع ذات محتوي مطابق

التصنيفات تصفح المواضيع دليل شركات العالم
youtubbe twitter linkden facebook