كلمات اغنية تذكرة سينما ادهم سليمان.
قرب قرب شوف واتمتع
جهز نفسك فيلم جديد
ركز يلا اتفرج واسمع
ده اللي هيبقا في ليلة العيد
يلا يا افندي قول للهانم بكرة ميعادنا متتأخرش
حفلة ستة ونص يلا دي فرصة متكررش خالص
لو ناوي بجد تخرجني انا عندي خروجة انما ايه
على فيلم لشادية تفرجني وحليم اكمني بمت فيه
انا نفسي اشوفهم وياك وديني السينما اللي هناك
واقطع تذكرة من الشباك رأيك ايه
طبعاً أوكيه ندخل معبودة الجماهير
قالك ايه قالك اه وسع وسع واسمع ياه
انا في الابوريا قالك في مصارعة افلام
ياسر وحسين وامام
ضحك ولعب وجد وحب وحكاية ابطال الحرب
نسعد من كل الانواع وبيوصف كل الاوضاع
وبنجمع كل الأعلام ونعيش مع بعض الأحلام
واحنا بقا اللي اكلنا الجو
افلامنا هتفضل تحلو
هنا الصورة اللي زي الاصل بالتفصيل
هنا الصوت اللي بيردد حاجات جواك
هنا النور اللي بيدلك في عز الليل
ومية واحد كتب عنك كأنه معاك
هنا الارض اللي لو نطقت هتنطق فن
وبتعلم وتوصف يعني ايه ابداع
هنا الشاشة اللي تقدر باختلاف السن
تطيب كل قلب وتقتل الاوجاع
هنا تقدر تشوف نفسك تحس ان انت ليك كلمة
وكل اللي مداريه في قلبك تشوفه بتذكرة سينما
هنا تقدر تشوف نفسك تحس ان انت ليك كلمة
وكل اللي مداريه في قلبك تشوفه بتذكرة سينما
اسم الاغنية : تذكرة سينما
كاتب الاغنية : غير معروف
ملحن الاغنية : غير معروف
غناء : ادهم سليمان
العربية
