اسم الاغنية : تراب بلدي
كاتب الاغنية : غير معروف
ملحن الاغنية : غير معروف
غناء : محمد كرم الله
وريني شن طعم الدروس
ما دام بكانا مشي قطر
وكيف ذاتا ترتاح النفوس
تقبل قرايتاً في سفر
يا يمة حان الامتحان
من وقتو بس فاضل شهر
ما اظنِي من جور الزمان
انجح واجيب ليكم نمر
وريني شن طعم الدروس
ما دام بكانا مشي قطر
وكيف ذاتا ترتاح النفوس
تقبل قرايتاً في سفر
كيف زاتي يا نبع الحنان
انجح من الام السهر
عمرك سمعتيلك جبان
زينوبة كل ما افتح كتاب
القاك في اول سطر
القى الجداول والصحاب
القى الجناين والتمر
في الحصة عقلى انا قام سدر
يمه المدرس لو فكر
كان يلقى قاعد فوق ككر
في الدونكا لسع ما فطر
يسمع كليمة يا عشاى
واغلى الحكم عند الضجر
انا قلبي كلو على جناي
وقلب جنايا على حجر
والله مش لو كان نهر
لو كالني بسيطان بقر
ما دام عقيل الجن سدر
ما اظنو من عندك حضر
بذاتو ابوى تلقاهو قام
فاتح كتابو مع الفجر
يقرأ ويرتل في كلام
ما بفهمو الناس الكفر
زينوبة كر من حالى كر
قاعد لى فوق كيمان جمر
غربة وكمان حالاً فقر
عذبني قبل اصل القبر
الشوق متل شوك الكتر
طعن الجسم لمن خدر
والله لو ما بنقبل
ما كان بفارقك بي شبر
زينوبة دنيا الاغتراب
خلتني زي ورق الشدر
انحت من عدم الشراب
عم الاراضى وانتشر
الغربة اصلوا طعيمة مر
لكني بعقد بالجبر
يا ربي الهمني الصبر
العربية
