تسمحي لى يامه من وقتك شوية
انسى جنبك حمل شايله تقيل عليا
وزى عادتك تسمعينى
لو بكيت استحملينى
يامه زادت قسوة الايام عليا
كل يوم بقى يشبه اليوم اللى عدى
كلمتين مش مفهومين على دمعة شاردة
حتى لون الدنيا باهت
والمعانى ف قلبى تاهت
خوفى لا تطول علينا الشِدة ديه
ما دريتيش يامه اللى حاصل وانتى غايبه
حالنا مال بعدك خلاص الدنيا سايبه
شوفتى حتى ابن اللئيمة
والله بان وبقاله قيمة
الجبان لقى فرصة يتشطر عليا
قبل ما امشي باسالك مش عايزة حاجة
لسه برضه ساكتة مش هتقولى حاجة
بكرة هتقومى بالسلامة
ياللى شيلتي الهم ياما
ترجعيلنا يامه زى زمان بهية
اسم الاغنية : تسمحي
كاتب الاغنية : محمود فاروق
ملحن الاغنية : حمزة نمرة
غناء : حمزة نمرة
العربية
