مافيه غيرك إنشغل فيه بالي
لا والذي سوى عيونك وأبدع
حيّاك إدخل وسط قلبي يا غالي
ودامك في قلبي يا حبيبي تمتّع
خايف أغمّض ما أشوفك قبالي
والعين من إحساس هالخوف تدمع
عطني همومك يا سبب إنشغالي
وإنته في قلبي يا حبيبي تربّع
هذي بداية حب والعشق تالي
ياللي خفوقي في غرامك تولّع
مَ أهتم في غيرك ولا صرت أبالي
جنّنتني والعقل بالحب مَ ينفع
الحب لك في واقعي وفي خيالي
وقلبي أناني فيك وبالزود يطمع
لا تقول طوّلنا وتعد الليالي
إن قلت إسمي قلت يا ويل حالي
في صوت عالي عيد لنّي مَ أسمع
حبّيت إسمي يوم قلته يا غالي
ودخلت قلبي ومنّه ما راح تطلع
القلب بيتك وأصلاً البيت خالي
سوّه على كيفك وذوقك تمتّع
إسمي حبيبك وإنته إسمك حلالي
إي والذي سوى عيونك وأبدع
اسم الاغنية : تمتع
كاتب الاغنية : احمد الصانع
ملحن الاغنية : شما حمدان
غناء : شما حمدان
العربية
