جدعان من يومنا وماليين هدومنا .. و في أي أرض لينا إحترامنا
كِلمتنا واحدة و معروف تمامنا .. وتوب الرجولة إتفصل عشانا
سايبنها ع الله ومش شاغلنا .. مين قال علينا ولا مين ظالمنا
بنكسب محبة .. اللي منا .. ولو مين علينا .. عمره في يوم ما هايغلبنا
حب الناس نعمة ربنا يحبب فينا خَلقه .. ويديمها علينا ويرزقنا ويغنينا من عنده
اللي نيته صافيه مابيقعش وربنا سانده .. واللي الناس بتحبه أحسن م اللي محدش طايقه
جدعان من يومنا واللي بييجي ع السكة نقف له .. ونقول للأعمي في وشه أنت أعمي ومش بنافقه
لا حد مأكلنا لقمة عشان نمشي نسقفله .. ولا حد كاسر عيننا ولا مِعلم علي وشنا كَفه
بالود خالصة و بالحب ماشية .. ولا لينا شِلة ولا لينا حاشية
أبطال بـ طولنا ورجلينا ثابتة .. واللي يعاملنا بإخلاص بنشيله في عينينا
طريقنا دوغري سِكتنا سالكة وسيرتنا حلوة وأسامينا ماركة
وصُحبتنا صُحبة خِير وبركة .. وجدعتنا بيحكوا ويتحاكوا علينا
اللي نيته صافيه مابيقعش وربنا سانده .. واللي الناس بتحبه أحسن م اللي محدش طايقه
جدعان من يومنا واللي بييجي ع السكة نقف له .. ونقول للأعمي في وشه أنت أعمي ومش بنافقه
لا حد مأكلنا لقمة عشان نمشي نسقفله .. ولا حد كاسر عيننا ولا مِعلم علي وشنا كَفه
معلومات الاغنية:
▶ كلمات والحان: عمرو قطب
▶ توزيع : عمرو الخضري
▶هندسة : محمد جوده
اسم الاغنية : حب الناس
كاتب الاغنية : عمرو قطب
ملحن الاغنية : عمرو قطب
غناء : محمد سلطان
العربية
