انا اول لما بتوحشني قلبي بيوجعني
بيدق بسرعة ولو ركزت اكيد تسمعني
ياما نفسي اقولك ع اللي انا فيه وخوفي مانعني
الناس في عنيا بتتغير وانت بتبقالي
وبشوفك اول مابفكر او تيجي في بالي
مين غيرك هيطمن قلبي ومش هيودعني
وبرغم قساوتك شايفك ديماً حد حنين
وعذابي في بعدك صعب لكن وانا جنبك هين
انا كل دقيقة اطمن انك مني قريب
وبجد حقيقة مشوفتش ابداً زيك طيب
يا ابو قلب رقيق مفيهوش ولا غلطة عشان يتعيب
انا كل ماتوحشني ملامحك استنى تجيلي
واتخيل فيك وافضل لامحك فينك يا ناسيني
محتار فين بحرك فين برك امتى ترسيني
انا كل ما افكر فيك بسرح يجي على بالي
ان انت قصادي وجاي تفرحتي تقولهالي
لو تعرف بس الكلمة دي ايه بالنسبالي
اسم الاغنية : حد حنين
كاتب الاغنية : سلمي رشيد
ملحن الاغنية : احمد راجح
غناء : محمد عباس
العربية
