كلمات اغنية حدوني عن المسيار عبد العزيز العليوي.
حدوني عن المسيار ومواصل الوافين
حدوني قليلين المعرفه عن الجيّه
عسى الله عليهم يا كريم السبال يعين
قصرت الرجل لا شك ما تقصر يديّه
تقفّي بي الشيمة ، ولا اجرح الغالين
لا شك الخطا من دونه ابواب مجفيّه
ردي العقل مسكين ومن يجهله مسكين
وانا ماني موكّل عليه وعلى زيّه
ما والله حنا يا ابن الاجواد له فاضين
وحنا زباين للخطوط السعوديه
ما نقعد من الايام اكثر من اليومين
علينا مشاريه الرجاجيل يوميه
نخلّص لزوم ، ونفزع ، ولا نقول منين
وناقف مواقيف الرجال البطوليه
وليا من دعينا للمحافل نجي ونبين
مثل ما يبين الحر بين النداويّه
على درب عودٍ راح بالنعم والنعمين
تعبنا وراه ، ولا لحقنا حراويّه
وما حنا على اللي واصلينه بعد راضين
طموحاتنا فوق النجوم السماويه
ولا عاد فينا حيل نطرد ورى المقفين
لو صدورنا لـ اللي يجينا شماليه
علينا الجناب السمح وقت القسى واللين
وعسى الله يوفقنا ، والاعمال بالنيّه
اسم الاغنية : حدوني عن المسيار
كاتب الاغنية : عبدالعزيز العليوي
ملحن الاغنية : عبدالعزيز العليوي
غناء : عبد العزيز العليوي
العربية
