كلمات اغنية حرة الفقد فلاح المسيرى.
ياجزيل العطايا يا إلهي تروف
روفبي من زمانٍ مال ما فيه حيله
كل ماقلت هانت قاسيات الظروف
جاك علمً يشيب الراس من جور ميله
اشهد ان فقد بو ضاوي وفقد أم نوف
خلّت القلب كنه فوق نارٍ شعيله
عقبهم كل شي مالنا به شفوف
راح نور الحياه وراح وبله وسيله
شمسنا عُقب ذاك النور وجاها كسوف
واختفى النور منها والحياه الجميله
والله اني من اللذات بنت ًعيوف.
عقب فرقى الحبايب بين يوم وليله
العماء صابها وعيونها ماتشوف
بين جور السنين وبين فقد الدليله
شاعره تكتب الابيات من حر جوف
والمواجع بوسط القلب صارت ثقيله..
طحت طيحه عزيز القوم بين الصفوف
بعد ماراحوا الغالين واعزتيله
واعتزازي برب البيت من كل خوف
ثم خواني تراهم فوق راس الطويله..
عزوتي تاج راسي من صدوف الظروف
من سلايل رجال ماتهاب. الوحيله .
اختم احروف قولي ياعظيم الوصوف
تجعل اللي فقدناهم بجنه ضليله
اسم الاغنية : حرة الفقد
كاتب الاغنية : المهرة
ملحن الاغنية : فلاح المسيرى
غناء : فلاح المسيرى
العربية
